Ինչպես հաղորդում է ՏԱՍՍ գործակալությունը, Դոնեցկի աշխարհազորայինները դուրս են բերել իրենց զորամիավորումները Մարիուպոլի ու Նովոազովսկի միջեւ գտնվող Շիրոկինո բնակավայրից:
Այս մասին հայտնել է Դոնեցկի հանրապետության պաշտպանության փոխնախարար Էդուարդ Բասուրինը, նշելով, որ ներկայումս բնակավայրը անմարդ է:
Շիրոկինոն համարվում է ռազմաճակատի հարավային ամենաթեժ հատվածը, որտեղ պարբերաբար ընթանում են ռազմական բախումներ, գործի են դրվում տանկեր ու հրետանի:
Շիրոկինոյում նախատեսվում է ստեղծել չեզոք գոտի ու բացառել ռազմական գործողությունների հավանականությունը:
