Երևանի քաղաքապետարանի տուրիզմի բաժնի պետ Մարիա Բարաղամյանը գրում է իր ՖԲ էջում.
Երևանն այս օրերին դիմավորում է իրանցի զբոսաշրջիկների հոսքը. քաղաքով շրջելիս կզգաք գարնանային զբոսաշրջային յուրահատուկ իրարանցումը՝ զբոսաշրջային ավտոբուսներ, հյուրանոցների մոտ կայանած տաքսիներ, վազվզող ուղեկցողներ, թարգմանիչներ, Հանրապետության հրապարակում իրանական համարներով կայանած մեքենաներ, փողոցներում զբոսնող օտարերկրացիներ։
Մի խոսքով Երևանը ինչպես միշտ հյուրընկալ է։
Լինենք հանդուրժող և հիշենք, որ այդ այցելուներն անկախ ազգային պատկանելիությունից, մեր հյուրերն են և այստեղ են անցկացնում իրենց հանգստյան օրերը։
