Ակտիվիստ չի նշանակում ոստիկանին դեմ առ դեմ կանգնող ու հայհոյող կամ գլխարկի...

Ակտիվիստ չի նշանակում ոստիկանին դեմ առ դեմ կանգնող ու հայհոյող կամ գլխարկի մեջ թքող

Երեկ «Ոտքի Հայաստանը» հանրահավաք էր հրավիրել: Նախ Անդրեասը իր հաշվարկներում սխալվեց:Նա այն կերպարը չէ, որ ոստիկանի հետ բախում ունենա կամ բերման ենթարկեն ու ժողովուրդն էլ իր ետևից գնա: Մեկ ամիս հացադուլ նստելուց և չնչին տոկոսներ հավաքելուց հետո՝ նա այդ ամենը պետք է գիտակցեր ու «Ա լա մայդան» անվադողերով չքայլեր Հրապարակ:

Այդ հավաքը, սակայն մեկ այլ միջադեպով աչքի ընկավ: Ոստիկանը ապտակեց տարեց մարդուն, մինչ այդ էլ ապտակում էր գետնին նստած երիտասարդին: Ճիշտ է ես չհասկացա, ինչո՞ւ էին 4-5 հոգով գետնին նստել այն ժամանակ, երբ նախաձեռնող խումբը ելույթ էր ունենում, բայց ինչևէ, համարենք դա անհնազանդության դրսևորում ու ասենք, որ նրանք իրենց քաղաքացիական իրավունքից էին օգտվում:

Հիմա բուն ապտակի մասին՝ տարատեսակ մեկնաբանություններ են հնչեցվում: Մեկնաբանությունները մի կողմ դնելով՝ պետք է մեկ բան ընդունենք, ոստիկանի արարաքը դատապարտելի է, նա եթե համակարգից չհեռացվի էլ երկարատև հանգստի պետք է մեկնի, դա հաստատ: Ըստ երևույթի այդ օրը ոստիկանը մոռացել էր նյարդերը հանգստացնող ինչ-որ բան խմել: Այդ լոգիկայով Օսիպյանը պետք է օրը մի քանի հոգու չափալախի: Սա Հայաստանի համար սովորական է, երբ պաշտոնով բարձր մարդն իրեն ավելի ադեկվատ է պահում քան մի քանի աստղիկ ունեցող ոստիկանը, որը մտածում է, հարևան երկրի ծովը իր ծնկներից է:

Մյուս կողմից, ակտիվիստ չի նշանակում, ոստիկանին դեմ առ դեմ կանգնող ու հայհոյող կամ գլխարկի մեջ թքող, դա էլ է դատապարտելի: Ակտիվիստ ոստիկան պետք է իրար հարգեն ու նույնիսկ ծայրաստիճան լարված իրավիճակում ամեն մեկը պետք է հասկանա, որ հաջորդ օրը փողոց է դուրս գալու:

Հ.Գ. Կխնդրեմ թեմայից դուրս ոչ մի մեկնաբանություն չանել: