ԱՄՆ պաշտպանության նախարարության հեռանկարային հետազոտական ծրագրերի վարչությունը նախաձեռնել է ինքնաոչնչացող ռազմական էլեկտրոնիկայի ստեղծումը:
Նման սարքերի իմաստն այն է, որ առաջատար մշակումները չհայտնվեն հակառակորդի ձեռքում:
Բարդ էլեկտրոնային սարքերը վաղուց նորմա են դարձել ժամանակակից մարտադաշտում: Սակայն այդ սարքերը կարող են հակառակորդի համար տեղեկատվության աղբյուր հանդիսանալ:
Նման ելքը կանխելու համար էլ ամերիկացի մասնագետները մշակել են հատուկ սենսորներ, որոնք ֆիզիկապես ոչնչանում են արտաքին համապատասխան ազդանշանի առկայության պարագայում: Այս մասին հաղորդում է «ԻՏԱՌ-ՏԱՍՍ»-ը:
