Ավստրալիայի Մելբուռն քաղաքում բացվել է 196 Belowis անվանումով խանութ, որտեղ վաճառվում է մթության մեջ լույս տվող պաղպաղակ։
Յուրահատուկ քաղցրավենիքը, որը կոչվում է Neon Nitro, ներկայացված է 3 համով՝ ազնվամորու, արքայախնձոր-լայմի և մանգո-մարակույայի, փոխանցում է rosbalt.ru-ն։
Պաղպաղակը լուսավորվում է՝ շնորհիվ սննդային հեղուկ ներկերի, որոնց օգտագործումը թույլատրված է Ավստրալիայի թերապևտիկ ապրանքների վարչության կողմից։
Խանութի հիմնադիր Սթիվ Ֆելիչեն նշել է, որ ինքը ցանկացել է պաղպաղակ ստեղծել 1990-ականների ոճով, երբ նորաձև էր նեոնը։ Պաղպաղակն արժե 8.50 դոլար։
