Մոլդովայի նախկին վարչապետ Վլադ Ֆիլատը, որ գտնվում է նախնական կալանքի տակ, բանտում հացադուլ է հայտարարել, տեղեկացնում է Point՝ հղում կատարելով Ֆիլատի փաստաբանի հայտարարությանը:
Փաստաբանի խոսքերով՝ ձերբակալվածը դժգոհել է իր հանդեպ անմարդկային վերաբերմունքից և հարազատների հետ շփման սահմանափակումից:
Նշվում է, որ Ֆիլատը նաև դժգոհել է բանտի ղեկավարության կողմից այլ բանտարկյալների միջոցով իրականացվող ճնշումներից: Նա վստահ է, որ այդ գործողություններն ուղղված են իրեն բարոյազրկելուն:
Ավելի վաղ պարզ էր դարձել, որ Մոլդովայի նախկին վարչապետ Ֆիլատի ձերբակալությունը երկարացվել է 30 օրով:
