Աֆղանստանի հարավում գտնվող Հիլմենդ նահանգում ականապատ մեքենայի պայթյունից զոհվել է առնվազն 14 մարդ։ Այս մասին հայտնում է «Ալ Ջազիրայի» թվիթերյան էջը։
Ավելի վաղ Հիլմենդի նահանգապետի մամուլի խոսնակը AP գործակալությանը հայտնել էր 8 զոհի մասին, որոնց թվում՝ մի քանի զինծառայող։ Նրա խոսքով՝ եւս 9 մարդ վիրավոր է, տեղեկացնում է «ՌԻԱ Նովոստի»-ն։
Ըստ տեղական իշխանությունների տեղեկությունների՝ պայթուցիկ սարքը գործի էր դրվել հեռակառավարմամբ։ Դեռեւս ոչ ոք չի ստանձնել ահաբեկչության պատասխանատվությունը։