Ինչպես տեղեկացնում է «Երրորդ համաշխարհային պատերազմ» պորտալը, Ուկրաինական ուժայինները նշանակել են հատուկ զինվորական ներկայացուցչի, ով պատասխանատու է Դոնեցկի աշխարհազորայինների կողմից սպանված ուկրաինացի զինվորականների մարմինների ստացման աշխատանքների համար:
Այդ մասին հայտնել է Դոնեցկի ինքնահռչակ հանրապետության պաշտպանության փոխնախարար Էդուարդ Բասուրինը, նշելով, որ հունվարի սկզբից ուկրաինական կողմին է փոխանցվել ավելի քան 300 ուկրաինացի զինխառայողի դիակ:
Միաժամանակ աշխարհազորայինները սպանվածների մարմինները հայտնաբերելու նպատակով որոնողական աշխատանքներ են շարունակում Դոնեցկի օդանավակայանի տերմինալներում:
Ուկրաինական ուժայինները խոչընդոտում են որոնումներին՝ անընդհատ պրովակացիոն գնդակոծություններ իրականացնելով տերմինալների ուղղությամբ:
Հիշեցնեն, որ Դոնբասում հրադադարը պաշտոնապես ուժի մեջ է մտել փետրվարի 15-ից, ինչից հետո կողմերը պարտավորվել են շփման գծից դուրս բերել ծանր զինատեխնիկան ու հրետանին: