Սև ծովում սկսվել են Հյուսիսատլանտյան դաշինքի ծովային զորավարժությունները։ Այս մասին հայտնում է «Դոժդը»։
Զորավարժություններին մասնակցում են դաշինքի անդամ 7 երկրները։ Ըստ պաշտոնական հաղորդագրության՝ զորավարժություններին մասնակցում է ԱՄՆ-ի նավատորմի առաջնորդող ռազմանավերից «Վիքսբուրգը»։
Ամերիկյան ռազմանավից բացի զորավարժություններին մասնակցում են նաև Թուրքիայի, Ռումինիայի, Բուլղարիայի, Կանադայի, Գերմանիայի և Իտալիայի նավատորմերի ներկայացուցիչ նավերը։
Զորավարժություններում մշակվում են ռազմական գործողությունները օդային հարձակման և սուզանավերի հարձակման դեպքերի համար։
Ավելի վաղ Ռուսաստանի ԱԳՆ-ն Սև ծովում ՆԱՏՕ-ի զորավարժությունները սադրանք և «մեծապես տագնապալի ազդանշան» էր անվանել։
