Օրերս Երևանում ավարտվեց շախմատի Հայաստանի Բարձրագույն խմբի 76-րդ առաջնությունը: Ինչպես արդեն հայտնել ենք, տղամարդկանց պայքարում ուժեղագույնը Զավեն Անդրիասյանն էր: Նա վերջին՝ 11-րդ մրցափուլում սևերով ոչ ոքի խաղաց հետնապահ Նորայր Թորոսյանի հետ և 8 միավորով գրավեց առաջին տեղը:
Նորընծա չեմպիոնը զրուցել է Analitik.am-ի հետ՝ պատմելով ոչ միայն իր հաղթական տպավորությունների, այլև հագեցած առօրյայի ու անալիքների մասին:
-Այս հաղթանակը Ձեզ համար սպասվա՞ծ էր, թե՞ անակնկալ:
-Հաղթանակը, բնականաբար, շատ սպասված էր: 10-րդ անգամ էի խաղում, և միշտ շանսեր ունեի չեմպիոն դառնալու համար: Վերջապես դա հաջողվեց ինձ:
-Հատկապես ո՞ր մրցափուլում էինք ավելի լարված ու անհանգիստ:
-Մինչև վերջին պահն էլ շատ լարված էի, և դեռ մինչև վերջին վարկյանը պայքար էր ընթանում:
-Գաղտնիք չէ, որ շախմատիստներից շատերն ունեն զարմանալի ու նաև տարօրինակ սովորություններ, իսկ Դու՞ք:
-Ես չունեմ, որովհետև չեմ կարծում, որ դա իրականում օգնում է: Սիրում եմ միշտ ամեն ինչ կատարել ճիշտ ժամանակին, խիստ ռեժիմ եմ պահում մրցաշարերի ընթացքում:
-Շատերը Ձեզ ճանաչում են որպես շախմատիստ: Իսկ ինչպիսի՞ն եք Դուք առօրյայում: Ի՞նչ հետաքրքրություններ ունեք:
-Ազատ ժամանակը շատ թանկ է. ես շատ քիչ եմ ունենում: Սիրում եմ ֆիլմեր դիտել, տարբեր խաղեր խաղալ ընկերներիս հետ:
-Շախմատից բացի՝ ո՞ր մարզաձևն եք նախընտրում:
-Ֆուտբոլ եմ սիրում: Ինքս էլ բավականին շատ խաղեր տեսել եմ ու պարապել եմ: Մինչև օրս էլ խաղում եմ:
-Մոտ ապագայում ի՞նչ մրցաշարերի եք պատրաստվում մասնակցել:
-Մայիսին Եվրոպայի առաջնությանն եմ մասնակցելու, իսկ թե մինչ այդ ինչ մրցաշարերի կմասնակցեմ, դեռևս չեմ որոշել:
Հարցազրույցը վարեց Հասմիկ Բալեյանը
