Այս գիշեր Կոթիում կրակոցներ են հնչել: Այս մասին «Ա1+»-ին հետ հեռախոսազրույցում հայտնեց Կոթիի գյուղապետ Ֆելիքս Մելիքյանը. «Գիշերային ժամերին եղել են կրակոցներ: Նախկին ինտենսիվ կրակոցների համեմատ ավելի քիչ էր, բայց բավական երկար էր: Այս պահին հանդարտ է: Ոչ մի ավերածություն կամ տուժած չկա»:
Մի քանի կրակոցներ են եղել նաեւ Պառավաքար համայնքում: Այս պահին, սակայն, այնտեղ հանդարտ է:
Իսկ Բերքաբերի համայնքապետ Արթուր Մադաթյանը նշեց, որ այս պահին դիրքերի մոտ է կանգնած, կրակոցներ չկան, բայց հակառակորդի մոտ շարժ է նկատվում, հայտնի չէ, թե ինչ են անում։
Սահմանամերձ Բարեկամավանի, Բաղանիսի, Ներքին Կարմիր Աղբյուրի եւ Ոսկեպարի գյուղապետերն էլ վստահեցրին, որ իրենց մոտ գիշերը հանգիստ է եղել:
Աղբյուրը՝ Ա1+:
