ԵԱՀԿ Մինսկի խմբի ամերիկացի համանախագահ Ջեյմս Ուորլիքը ՌԻԱ Նովոստիի հետ զրույցի ժամանակ հայտարարել է, որ Հայաստանի և Ադրբեջանի նախագահներ Սերժ Սարգսյանը և Իլհամ Ալիևը համաձայնության են եկել Արցախում հայ-ադրբեջանական շփման գծում ԵԱՀԿ մոնիթորինգային խմբի ընդլայնման հարցի շուրջ:
«ԵԱՀԿ Մինսկի խումբն ակատիվորեն աշխատում է, որպեսզի Հայաստանի և Ադրբեջանի նախագահները կատարեն այն պարտավորությունները, որոնք ստանձնել են Վիեաննայի և Սանկտ Պետերբուրգի տեղի ունեցած հանդիպումների ժամանակ, որոնք ուղղված են լարվածությունը թուլացնելուն և հակամարտությունը խաղաղ ճանապարհով լուծելու համար տարվող բանակցությունների հետագա առաջընթացն ապահովելուն: Նախագահները համաձայնության են եկել շփման գծում ԵԱՀԿ մոտնիթորինգային խմբի ընդլայնման հարցի շուրջ: Նախատեսվում է շարունակել ընդլայնված բանակցությունները, որում ներառված կլինեն բարձրաստիճան պաշտոնյաներ երկու կողմերից էլ: Կողմերի միջև լարվածությունը թուլացնելու համար դիվանագտական գործընթացում առաջընթացը պարտադիր է»,-ասել է Ուորլիքը:
