Ներկա պայմաններում Թուրքիան չի կարող անդամակցել Եվրամիությանը: Նման հայտարարությամբ հանդես է եկել Եվրահանձնաժողովի նախագահ Ժան-Կլոդ Յունկերը:
«Թուրքիան այն վիճակով, որում հիմա գտնվում է, չի կարող դառնալ Եվրամիության անդամ: Դա հնարավոր չէ նախ այն բանի պատճառով, որ այդ երկրում պատրաստվում են վերականգնել մահապատիժը»,-ասել է Յունկերը ARD-ի հետ հարցազրույցի ժամանակ:
Եվրահանձնաժողովի նախագահը միևնույն ժամանակ դեմ է բանակցությունները Թուրքիայի հետ դադարեցնելուն: Նրա կարծիքով դրան կողմ կլինեն ԵՄ-ի ոչ բոլոր անդամները: