Եվրախորհրդարանի նախագահ Մարտին Շուլցը հայտարարել է, որ հեռանալու է զբաղեցրած պաշտոնից իր պաշտոնավարման ժամկետը լրանալուց հետո: Նա ցանկանում է մասնակցել Գերմանիայում կայանալիք ընտրություններին:
«Ես որոշում եմ կայացրել, թեկնածությունս չեմ առաջադրելու: Հաջորդ տարի ընտրություններին Հյուսիսային Ռեյնում ես գլխավորելու եմ իմ կուսակցության ցուցակը»,-հայտարարել է նա:
Մարտին Շուլցը Եվրախորհրդարանի նախագահի պաշտոնը զբաղեցնում է 2012 թվականից, իսկ ԵԽ-ում աշխատում է 1994-ից: