Եվրամիության դռները փակվեցին Թուրքիայի համար. Գերմանական արձագանքը՝ թուրքական հանրաքվեի արդյունքներին

Եվրամիության դռները փակվեցին Թուրքիայի համար. Գերմանական արձագանքը՝ թուրքական հանրաքվեի արդյունքներին

Թուրքիայում սահմանադրական փոփոխությունների հանրաքվեում այո-ի հաղթանակից հետո գերմանական առաջատար քաղաքական ուժերի ներկայացուցիչները կաչ են անում դադարեցնել այդ երկրի հետ բանակցությունները, որոնք ուղղված են ԵՄ-ին անդամակցությանը:

Քրիստոնեա-սոցիալիստական միության փոխնախագահ Մանֆրեդ Վեբերը ապրիլի 16-ին հայտարարել է, որ Եվրամիությանը Թուրքիայի լիակատար անդամակցությունն այլևս չի կարող լինել բանակցությունների նպատակը: Նրա խոսքերով, Եվրամիությունն այդ հարցը պետք է հանի օրակարգից:

Ենթադրվում է, որ ԵՄ անդամ երկրների ղեկավարների՝ մայիսին կայանալիք առաջիկա գագաթաժողովի ժամանակ հայտարարվելու է Թուրքիայի հետ հարաբերություններում վերանայումների մասին:

Հարկ է նշել, որ Գերմանիան դեռ պաշտոնապես չի արձագանքել Թուրքիայում անցկացված հանրաքվեի արդյունքներին: Գերմանիայի արտգործնախարար Զիգմար Գաբրիելը հայտարարել է, որ պետք է պահպանել սառը գլուխ:

Իր հերթին Քրիստոնեա-դեմոկրատական միության փոխնախագահ Յուլյա Քլյոքները հայտարարել է, որ Թուրքիայի համար ԵՄ դռները վերջնականապես փակվեցին:

Հավելենք, որ Գերմանիայում կարծիքներ են հնչել նաև Թուրքիայի հետ ռազմական համագործակցությունը դադարեցնելու մասին: