Եթե Անի Հովհաննիսյանի նկատմամբ նույնիսկ ազատազրկման ձևով պատիժ չնշանակվեր, դատավճիռը բողոքարկվելու...

Եթե Անի Հովհաննիսյանի նկատմամբ նույնիսկ ազատազրկման ձևով պատիժ չնշանակվեր, դատավճիռը բողոքարկվելու էր. Դատապաշտպան

Եթե Անի Հովհաննիսյանի նկատմամբ նույնիսկ ազատազրկման ձևով պատիժ չնշանակվեր, միևնույն է դատավճիռը այդ մասով բողոքարկվելու էր: Analitik.am-ի թղթակցի հետ զրույցում ասաց Անի Հովհաննիսյանի դատապաշտպան Լիպարիտ Սիմոնյանը՝ անդրադառնալով Վերաքննիչ դատարանում առաջին ատյանի դատարանի վճիռը բողոքարկելուն:

Սիմոնյանը նշեց, որ իր կողմից ընդհանուր իրավասության դատարանի դատավճիռը բողոքարկվել է մասնակի, այն է՝ Անի Հովհաննիսյանին ՀՀ քրեական օրենսգրքի 182-րդ հոդվածի 1-ին մասով մեղավոր ճանաչելու մասով. «Գտնում եմ, որ Անի Հովհաննիսյանը  Տ.Ուրիխանյանին ենթադրյալ շորթման դրվագով նույպես պետք է արդարացվեր, և որպեսզի հասարակության մեջ թյուրըմբռնում չլինի, նշեմ, որ ոչ թե բողոքարկվել է պատժաչափը, այլ դատավճիռը՝ մեղավոր ճանաչելու մասով: Եթե Անի Հովհաննիսյանի նկատմամբ նույնիսկ ազատազրկման ձևով պատիժ չնշանակվեր միևնույն է դատավճիռը այդ մասով բողոքարկվելու էր»:

-Պարոն Սիմոնյան, հայտնի է, որ դատախազությունը ևս դիմել է Վերաքննիչ դատարան՝ բողոքարկելով ՎՏԲ բանկի մասով Անի Հովհաննիսյանին անմեղ ճանաչելու վճիռը: Ի՞նչ կասեք այդ մասով:

-Այո, դատավճիռը բողոքարկվել է նաև մեղադրողի կողմից, և բողոքարկվել է Անի Հովհաննիսյանին ՀՀ քրեական օրենսգրքի 182-րդ հոդվածի 2-րդ մասի 3.1 կետով արդարացման դեմ:

Այս մասով միայն կարող եմ հույս հայտնել, որ վերաքննիչ դատարանը օբյեկտիվ քննություն կկատարի և քրեական օրենսգրքի 182-րդ հոդվածի 1-ին մասով Անին նույնպես կարդարացվի:

Սիմոնյանը նաև հավելեց, որ Անի Հովհաննիսյանին մեղավոր ճանաչելու մասով վճռի ուժի մեջ մնալու դեպքում, իրենք դիմելու են նաև Վճռաբեկ դատարան