Այսօր՝ սեպտեմբերի 18-ին, Հայաստան-Սփյուռք 6-րդ համաժողովի մեկնարկից առաջ ՀՀ ԶՈւ գլխավոր շտաբի պետ Մովսես Հակոբյանը լրագրողների հետ զրույցի ժամանակ հերքեց տեղեկությունները, որ շուտով հրաժեշտ է տալու պաշտոնին:
Նա հայտարարեց, որ այդ տեղեկությունն իրականությանը չի համապատասխանում և որևէ հիմք չունի:
Ավելի վաղ մամուլում տեղեկություններ էին հայտնվել այն մասին, որ Հակոբյանը շուտով հեռանալու է բանակում կատարվող բարեփոխումների շրջանակներում:
