Թուրքիայի ԱԳՆ է կրկին հրավիրվել Անկարայում Գերմանիայի դեսպանը: Մարտին Էրդմանը պետք է Թուրքիայի արտգործնախարարություն ներկայանա սեպտեմբերի 18-ին երեկոյան: Այս փաստն արդեն հաստատել են Գերմանիայի արտաքին գործերի նախարարությունից՝ նշելով, որ իրենք արդեն կորցրել են հաշիվը, թե քանի անգամ է Անկարան նման քայլի գնում:
Der Spiegel-ն իր հերթին գրում է, որ դեռ հայտնի չէ, թե ինչու են դեսպանին այս անգամ կանչել ԱԳՆ-ը, սակայն, ամենայն հավանականությամբ, դա կապ ունի Գերմանիայի բունդեսթագի կողմից 2016-ին Հայոց Ցեղասպանության մասով ընդունված բանաձևի հետ:
Վերջին անգամ Գերմանիայի դեսպանը Թուրքիայի ԱԳՆ էր կանչվել սեպտեմբերի 16-ին՝ կապված Քյոլնում Քրդական աշխատավորական կուսակցության առաջնորդ Աբուդալ Օջալանի աջակացությանը նվիրված ակցիայի հետ:
