Դուքենդո կարատեի աշխարհի չեմպիոն Էդգար Սողոմոնյանը ֆեյսբուքյան իր էջում գրում է.
Բազմակողմանի զարգացած մարդ,սրտացավ ու լավ ընկեր,անպարտելի մարզիկ եւ մեծ հայ...Ահա,այսպիսի խոսքերով միայն կարող եմ բնութագրել Գոռ Վարդանյանին:Անգնահատելի է նրա ներդրումը սպորտի զարգացման բնագավառում:
90-ական թվականներին,երբ ապրելն էր անգամ դժվար ,Գոռ Վարդանյանը կարողացավ հիմնադրել արևելյան մարզաձևի «Ֆուլ կոնտակտ կարատե» դպրոցը,հետագայում ֆեդերացիան,մասնագիտացված լիգան, միջազգային ֆեդերացիան (IFCKF), որի նախագահն է:Գոռ Վարդանյանի սաները դարձան լավագույն մարզիկներ` միջազգային մրցումներում բազմիցս անգամ հաղթանակներ տանելով եւ Հայաստանի պատիվը բարձր պահելով,ինչպես նաեւ ավելի ճանաչելի դարձնելով:Այս ամենը միայն ու միայն Գոռ Վարդանյանի մասնագիտական բարձր գիտելիքների,ջանքերի, պատրաստակամության եւ հետեւողական աշխատանքի շնորհիվ:
Այսօր Լոս Անջելեսում նույնպես գործում է արևելյան մարզաձևի միջազգային Դուքենդոյի ֆեդերացիան եւ կրկին Գոռ Վարդանյանի բարձր նախագահության ներքո:
Հուրախություն բոլորիս, դեռ կան Գոռ Վարդանյանի նման մարդիկ, ովքեր միջոցներ չեն խնայում այս կամ այն մարզաձևը զարգացնելու կամ առանձին անհատին սատար կանգնելու համար։
Ինքս` լինելով Վարդանյանի սանը,իմ բոլոր հաղթանկների եւ մարզական հաջողությունների համար պարտական եմ հենց նրան` իմ Ուսուցչին: Նման հայրենասեր եւ գործունյա հայորդիներին պետք է վստահել մեր Հայաստանը:
Ուրախ եմ,տեսնել նրան Երևանի քաղաքապետի խորհդականի պաշտոնում,քանի որ ծանոթ եմ նրա կառուցողական աշխատանքին եւ վստահ եմ, որ նա շատ բան է ունակ փոխել եւ անել մեր սիրելի մայրաքաղաք Երևանը շենացնելու եւ ծաղկեցնելու պատվավոր գործում: