Մեծ Բրիտանիան դուրս է մնացել աշխարհի խոշորագույն տնտեսություն ունեցող երկրների հնգյակից և գտնվում է արդեն ցուցակի 6-րդ հորիզոնականում, այս մասին հայտնում է CNN-ը՝ հղում անելով Միացյալ Թագավորության ֆինանսների նախարար Ֆիլիպ Հեմոնդին:
Բրիտանիան իր տեղը զիջել է Ֆրանսիային, որի ՀՆԱ-ն կազմում է 2,575 տրիլիոն դոլար՝ Թագավորության 2,565 տրիլիոնի դիմաց:
Նշվում է, որ Ֆրանսիան դեռ շատ առաջ չի պոկվել, սակայն դա տեղի կունենա արդեն հաջորդ տարի:
Հեմոնդը հայտնել է, որ Մեծ Բրիտանիայի տնտեսության աճը դանդաղել է Եվրամիությունից դուրս գալու գործընթացի արդյունքում:
