ՆԱՏՕ-ին անհանգստացնում է Լեռնային Ղարաբաղի հակամարտությունըՙ և մենք կոչ ենք անում կողմերին զերծ մնալ լարվածությունից: Այս մասին Ադրբեջանի նախագահ Իլհամ Ալիևի հետ բանակցություններից հետո հայտարարել է դաշինքի գլխավոր քարտուղար Յենս Սթոլթենբերգը:
Սթոլթենբերգը նշել է, որ հակամարտությունը ռազմական ճանապարհով լուծում չունի՝ միևնույն ժամանակ հայտարարելով, որ ՆԱՏՕ-ն ուղիղ դերակատարում չունի հակամարտության կարգավորման գործում:
ՆԱՏՕ-ի գլխավոր քարտուղարի խոսքերով, դաշինքն աջակցում է ԵԱՀԿ ՄԽ ջանքերը և կոչ է անում քայլել հակամարտության լուծումը գտնելու ճանապարհով:
