«Արսենալի» կիսապաշտպան Մեզութ Օզիլը տարեկան 19 միլիոն եվրո աշխատավարձ է պահանջում «Բարսելոնայից», հայտնում է AS-ը: Պարբերականի տեղեկություններով, 29-ամյա գերմանացին նաև բոնուսներ է ուզում:
Նշվում է, որ լոնդոնցիների գլխավոր մարզիչ Արսեն Վենգերը կարող է դեմ չլինել այս գործարքին, որպեսզի Օզիլը չտեղափոխվի «Մանչեսթեր Յունայթեդ», որը ևս հետաքրքրված է վերջինիս ծառայություններով:
Եթե Օզիլը տեղափոխվի Կատալոնիա, կկարողանա մասնակցել ՉԼ-ի խաղերին, քանի որ զինագործների կազմում այս մրցաշրջանում հանդես չի եկել եվրոպական հեղինակավոր մրցաշարին:
