Analitik.am կայքի գլխավոր խմբագիր Անի Հովհաննիսյանը ֆեյսբուքյան իր էջում գրում է.
Նոյեմբերի 29-ին ժամը 14։00-ին ՀՀ Վերաքննիչ քրեական դատարանում (Գարեգին Նժդեհի 23) կկայանա իմ դեմ իրականացրած ապօրինի քրեական հետապնդման արդյունքում ՀՀ առաջին ատյանի ընդհանուր իրավասության դատարանի կողմից` ՀՀ ԱԺ պատգամավոր Տիգրան Ուրիխանյանի սուտ հաղորդման հիման վրա և արհեստական ապացույցներ ստեղծելու ճանապարհով ստեղծված շինծու քրեական գործով կայացված ապօրինի դատավճռի բողոքարկման նիստը։ Հրավիրում եմ լրագրողներին, ինչպես նաև իրավագիտակից ՀՀ քաղաքացիներին, ովքեր չեն հանդուրժում խոսքի ազատության և մարդու իրավունքների նկատմամբ անօրինական ճնշումներ։ Նիստը բաց է և հրապարակային։
