Սաուդյան Արաբիայի իշխանությունները ձերբակալել են 11 արքայազնի, որոնք գնացել են թագավորական պալատ թագավորության վերնախավի նկատմամբ վարվող քաղաքականության դեմ բողոքելու համար, գրում է Associated Press-ը՝ հղում անելով տեղի ԶԼՄ-ներին:
Արքայազները ձերբակալվել են այն բանից հետո, երբ հրաժարվել են լքել պալատը: Ձերբակալվածների անունները չեն հրապարակվում:
AP-ի տեղեկություններով, արքայազները պահանջել են վերականգնել կարգը, որի համաձայն թագավորական ընտանիքի անդամներին գումար է հատկացվել ջրի և էլեկտրաէներգիայի համար: Բացի դրանից, արաքայազները փոխահատուցում են պահանջել իրենց ընտանիքի անդամներից մեկին մահապատժի ենթարկելու համար:
Ձերբակալվածների տեղափոխել են Ալ-Հայիր բանտ, որտեղ պահվում են նաև ահաբեկիչներ: