ՀՖՖ նախագահ Ռուբեն Հայրապետյանը հրաժարական չի տալու: Այս մասին վերջինս հայտարարեց այսօր՝ հունվարի 12-ին, լրագրողների հետ հանդիպման ժամանակ:
2015 թվականին Հայրապետյանը հայտարարել էր, որ հրաժարական կտա, եթե ազգային հավաքականն իրավունք չստանա մասնակցելու 2018 թվականի աշխարհի առաջնությանը:
ՀՖՖ նախագահն այսօր հայտնեց, որ ինքն ունի ծրագիրը, որով հստակ առաջ է շարժվում, իսկ եթե կա ինչ-որ մեկը, ով ցանկանում է դառնալ ֆեդերացիայի նախագահ, թող իր ծրաագրով մասնակցի ընտրություններին:
Լրագրողներից մեկի հարցին, թե ում է Հայրապետյանը տեսնում ՀՖՖ նախագահի պաշտոնում, վերջինս ասաց՝ իրեն: