Հունվարի 23-ին Դավոսում կայացած միջազգային տնտեսական ֆորումի շրջանակներում «ՎՏԲ» բանկի ղեկավար Անդրեյ Կոստինը հանդիպում է ունեցել Ադրբեջանի նախագահ Իլհամ Ալիևի հետ: Այս մասին տեղեկացնում է «ՎՏԲ» բանկի կայքը:
Հանդիպման ժամանակ պայմանավորվածություն է ձեռք բերվել, որ այս տարվա առաջին եռամսյակում Ադրբեջանի «ՎՏԲ» բանկի կապիտալը 265 մլն մանաթով կավելացվի:
«ՎՏԲ» բանկը նաև հայտնել է, որ կաջակցի Ադրբեջանին՝ տնտեսության մեջ ներդրումների ներգրավման, ինչպես նաև միջազգային ֆինանսական շուկաներից փոխառություններ ստանալու հարցում: