Ինչպես հայտնում է Լայֆը, Վնեշէկոնոմբանկի վարկային միջոցները յուրացնելու մեջ մեղադրվող Մոսկվայում ձերբակալված հայազգի միլիարդատեր Օլեգ Մկրտչյանը պատրաստ է հայտնել այն մարդկանց անունները, որոնք օգնել են իրեն: Դա նա պատրաստ է անել ավելի մեղմ պատիժ ստանալու դիմաց:
Նշվում է, որ Մկրտչյանը պատրաստ է հայտնել բոլորի անունները, ովքեր օգնել են իրեն 2009 թվականին գողանալ բանկի վարկային միջոցները և դրանք հանել երկրի սահմաններից դուրս:
Լրատվամիջոցի տեղեկություններով, հայազգի գործարարը պատրաստ է հրապարակել է ռուսաստանցի չինովնիկների և վերոնշյալ բանկի աշխատակիցների անունները:
Ավելի ՎԱՂ Մոսկվայի դատարանը 2-ամսյա կալանք էր սահմանել Մկրտչյանի համար՝ որպես խափանման միջոց:
Հավելենք, որ քննության տեղեկություններով, գործարարը յուրացրել է ավելի քան 100 միլիոն դոլար վարկային միջոց: