Գոռ Վարդանյանն իր ամբողջ հնարավորություններն իմ վրա էր կիրառում: Նա Տարոն Մարգարյանի թիկնապահն է: Այս մասին Երևանի ավագանու նիստում տեղի ունեցած ծեծկռտուքից հետո հայտարարեց ավագանու Երկիր Ծիրանի խմբակցության անդամ Մարինա Խաչատրյանը:
Ավելի ուշ Գոռ Վարդանյանն իր հերթին հայտարարեց, որ ինքն ուժ չի կիրառել, ուղղակի Երկիր Ծիրանիի անդամին դուրս է բերել նիստերի դահլիճից:
Նշենք, որ Մարինա Խաչատրյանը ծեծկռտուքի ժամանակ մի քանի հարված է ստացել ՀՀԿ խմբակցության անդամների կողմից:
Հավելենք, որ հենց Մարինա Խաչատրյանն էր բանկաներով մոտեցել Երևանի քաղաքապետ Տարոն Մարգարյանին, ինչից հետո էլ սկսվել էր ծեծկռտուքը:
Տեսանյութը՝ 1in.am