Մի խումբ քաղաքացիներ մուտք են գործել Երևանի քաղաքապետարան և իրենց բողոքի ձայնն են բարձրացնում՝ կապված այսօր ավագանու նիստի ժամանակ տեղի ունեցած ծեծկռտուքի հետ:
Ակցիայի մասնակիցները դատապարտում են Երկիր Ծիրանի խմբակցության անդամների նկատմամբ կատարվածը: Նրանք իրենց հետ բերել են «Բռնապետարան», «Բռնացողներն էլ են հանցագործ, արդարացնողն էլ» գրությամբ պաստառներ:
Նշենք, որ Երևանի քաղաքապետարանի մոտ հավաքված քաղաքացիների միայն մի մասին է հաջողվել մուտք գործել շենք:
Ոստիկաններն ակցիայի մասնակիցներին հեռացրել են քաղաքապետարանից:
