Ազատության հետ զրույցի ժամանակ Երևանի ավագանու Երկիր Ծիրանի խմբակցության անդամ Մարինա Խաչատրյանը հայտարարել է, որ իր նկատմամբ փետրվարի 13-ին ավագանու նիստի ժամանակ տեղի ունեցած ծեծկռտուքի ընթացքում սեռական ոտնձգություն է տեղի ունեցել:
Այն դիտարկմանը, թե ինքն է առաջինը հարվածել ավագանու ՀՀԿ-ական ներկայացուցչին, տիկին Խաչատրյանը պատասխանել է, որ վերջինս ձեռք է տվել իր կրծքերին և փորձել է հանել կոստյումը:
Խաչատրյանը հայտարարել է, որ որևէ մեկին թույլ չի տվել դիպչել իր կրծքերին, և եթե ծեծկռտուքի ժամանակ ֆիզիկապես հնարավոր լիներ, ավագանու ՀՀԿ-ական անդամը կզգար նաև իր ոտքի հարվածի ուժը:
Ինչ վերաբերում է վնասվածքներին, ԵԾ անդամը նշել է, որ գլխացավեր ունի, որոնք աստիճանաբար ուժեղանում են, տուժել է նաև ձեռքը, ինչը լուրջ վնասվածք է վիրաբույժի համար:
Զարուհի Փոստանջյանն իր հերթին հայտարարել է, որ դիմելու են բոլոր ատյաններին, այդ թվում նաև Հայաստանից դուրս, որպեսզի կատարվածի մեղավորները պատասխանատվության ենթարկվեն:
Հիշեցնենք, որ ԵԾ-ն նաև հաղորդում է ներկայացրել իրավապահ մարմիններին:
