Հասարակություն 

Ով է փոխհատուցելու Երևանում տեղի ունեցած պայթյունի վնասները

analitik.am

Շենքն ընդգրկված է բազմաբնակաարան համակեցության կանոնների մեջ, հետաքննության արյդունքներում տեղի ունեցածի պատճառները բացահայտելուց հետո պարզ կլինի, թե ով է փոխհատուցելու հասցված վնասը: Այսօր լրագրողների հետ զրույցի ժամանակ ասաց Երևանի փոխքաղաքապետ Կամո Արեյանը՝ խոսելով այն մասին, թե ով է փոխհատուցելու Երևանի Վրացական փողոցում տեղի ունեցած պայթյունի վնասները:

Դա տեղի կունենա միայն այն ժամանակ, երբ պատասխանատվության հարցը լուծվի:

Արեյանը նշեց, որ այս պահին, առանց որևէ արդյունքի սպասելու, քաղաքապետարանը ձեռնամուխ է լինելու որոշ չափով օգնելու քաղաքացիներին: Օրինակ փոխվելու են ապակիները, որոնք կոտրվել են միջադեպի արդյունքում:

Փետրվարի 20-ին, ժամը 05:11-ին ահազանգ է ստացվել, որ Երևան քաղաքի Վրացական փողոցի թիվ 10 շենքի 4-րդ մուտքում տեղի է ունեցել պայթյուն:

Դեպքի վայր են մեկնել երկու մարտական հաշվարկ, Ճգնաժամային կառավարման ազգային կենտրոնի օպերատիվ և արտակարգ իրավիճակների արձագանքման խմբերը, ՀԱԲ հոգեբանական խորհրդատվության գծով հրահանգիչը, «ԱԲԿ» պետական ոչ առևտրային կազմակերպության հերթապահ բժիշկը և հատուկ նշանակության փրկարարական աշխատանքներ իրականացնող կենտրոնի փրկարարական ջոկատը:

Պարզվել է, որ առաջին հարկում գտնվող բնակարաններից մեկում տեղի է ունեցել պայթյուն, ինչի հետևանքով փլուզվել են բնակարանի պատշգամբն՝ ամբողջությամբ (մոտ 12 քմ), ամբողջությամբ վնասվել են միջնապատերը, մեկ արտաքին պատ, հյուրասենյակի առաստաղը, թեքվել է մեկ հենասյուն, պոկվել մուտքի դուռը և ամբողջությամբ վնասվել պատուհանները:

Վնասվել է առաջին հարկում գտնվող թիվ 43 բնակարանի մուտքի դուռը, միջնապատերին առաջացել են ճաքեր՝ մոտ 2 քմ, 2-րդ հարկում գտնվող թիվ 45 բնակարանի պատուհանները և մուտքի դուռը, թիվ 46 բնակարանի միջնապատերը՝ մասամբ, վնասվել՝ հյուրասենյակի առաստաղը, թիվ 47 բնակարանի հատակը՝ մոտ 0,5 քմ: Ամբողջությամբ վնասվել են 4-րդ հարկում գտնվող թիվ 51, 52, 53 բնակարանների պատուհանները:

Վնասվել են շենքի մոտակայքում կայանած «BMW» մակնիշի 12 OQ 202 , «Mercedes Vito» մակնիշի 35 MA 331, «Volkswagen Vento» մակնիշի 11 OL 243, «Volvo 740» մակնիշի 61 LL 435, «Nissan Juke» մակնիշի 77 TT 087, «Kia» մակնիշի 51 MS 051, «Mercedes C» մակնիշի 33 OV 768, «Toyota Corolla» մակնիշի 11 AA 100, «Mercedes ML» մակնիշի 45 MO 045, «Toyota» մակնիշի 11 US 816, «Hyundai Solaris» մակնիշի 07 FF 017 պետհամարանիշերով ավտոմեքենաները:

Զոհեր և տուժածներ չկան:

Փրկարարները 1-ին մուտքից տարհանել են 14 բնակչի և տեղում իրականացրել բնակարանների պատուհանների վնասված ապակիների հեռացման աշխատանքներ:

Նույն շարքից