ԱՄՆ նախագահ Դոնալդ Թրամփն առաջարկել է թույլ տալ ուսուցիչներին զենք կրել: Այս մասին վերջինս խոսել է Ֆլորիդայի դպրոցում 17 մարդու կյանք խլած հրաձգության ականատես դեռահասների հետ հանդիպման ժամանակ, հայտնում է The Hill-ը:
Թրամփի խոսքերով, եթե դպրոցներում լինեն զենքի հետ վարվել իմացող ուսուցիչներ, նման դեպքերն այսպիսի արյունալի հետևանք չեն ունենա:
ԱՄՆ նախագահն ամեն դեպքում նշել է՝ եթե նման որոշում կայացվի, ուսուցիչները պարտավոր կլինեն հատուկ վերապատրաստման կուրսեր անցնել: