Այս տարի գյուղացին դիզելային վառելիքը կգնի վաճառվող գնից 60 դրամ ցածր գնով: Որոշումը հաստատվել է ՀՀ կառավարության այսօրվա նիստում:
ՀՀ կառավարությունը որոշել է ՀՀ գյուղատնտեսության նախարարին 2018 թվականին հատկացնել 360,000,000 դրամ, այդ թվում` 2018 թվականի առաջին եռամսյակում` 147,500,000 դրամ, առաջին կիսամյակում` 360,000,000 դրամ` ՀՀ 2018 թվականի պետական բյուջեով նախատեսված ՀՀ կառավարության պահուստային ֆոնդի հաշվին:
Որպես սուբսիդիա հատկացված գումարը սահմանված կարգով տրամադրվելու է ՀՀ գյուղատնտեսության նախարարության կողմից իրականացրած մրցույթի արդյունքում հաղթող ճանաչված ընկերություններին՝ մինչև 6,000,000 լիտր դիզելային վառելիքի մատակարարումները կազմակերպելու նպատակով:
