forpost-sz.ru-ը հայտնում է, որ մարտի 6-ին Սանկտ Պետերբուրգի «Պուլկովո» օդանավակայանում «Ռոսսելխոզնադզորի» աշխատակիցներն արգելել են Հայաստանից ներմուծված 250 կգ ելակի մուտքը Ռուսաստան:
Նշվում է, որ ստուգման արդյունքում հատապտուղի խմբաքանակի մեջ միջատներն են հայտնաբերվել: Ավելի ուշ պարզվել է, որ ելակի մեջ հայտնաբերված միջատները ծաղկային թրիփսներ են, որոնք վնասում են բուսականությանը:
«Ռոսսելխոզնադզորը» որոշում է կայացրել ելակի խմբաքանակը վերադարձնել Հայաստան:
