Լրագրողների հետ զրույցում առողջապահության փոխնախարար Սերգեյ Խաչատրյանն ասաց, որ ՀՀ առողջապահության նախարարությունը հանձնարարական է տվել՝ բացահայտել դեղատների առջև դեղատոմսեր գրելու և վաճառելու դեպքերը:
«Ես տեղեկացել եմ այն մասին, որ նման երևույթ է տեղի ունենում: Դա ինձ համար շատ ցավալի է: Մենք առավոտից հանձնարարություն ենք տվել վեր հանելու այդ դեպքերը: Ուզում ենք հասկանալ, թե որտեղ են տեղի ունենում դրանք, և ովքեր են հեղինակները»,-ասաց փոխնախարարն ու հավելեց՝ հայտնաբերելու դեպքում համապատասխան ընթացք կտան հարցին:
Այս պահի դրությամբ նման դեպքերի վերաբերյալ ահազանգեր նախարարությունը չի ստացել: