Չինաստանի իշխանությունները շարունակելու են իրենց դրամի ինտերնացիոնալիզացիան և դա արվելու է այդ թվում նաև սեփական ֆինանսական շուկայի հաշվին: Նման հայտարարությամբ հանդես է եկել Չինաստանի Ազգային բանկի ղեկավար Չժոու Սյաոչուանը:
Չինացի պաշտոնյայի խոսքերով, յուանի ինտերնացիոնալիզացիայի գործընթացում լուրջ միջոցառումներ են ձեռնարկվել, որոնք հիմա թույլ են տալիս այն օգտագործել առևտրի և ներդրումների համար: Բացի դրանից, յուանը դարձել է SDR-ի դրամներից մեկը. «Հիմնական գործընթացներն արդեն տեղի են ունեցել»:
Սյաոչուանը նշել է, թե պետք է հասնել նրան, որ միջազգային շուկայի մասնակիցներն առևտուր անեն հենց յուանով, սակայն դա երբեք ստիպողաբար չի լինելու:
Հավելենք, որ յուանը SDR-ում դոլարի, եվրոյի, ֆունտի կողքին հայտնվեց 2015 թվականի նոյեմբերին:
