ԱՄՆ նախագահ Դոնալդ Թրամփը հրամանագիր է ստորագրել՝ պաշտոնապես ներկրման համար մաքսատուրքեր սահմանելով պողպատի և ալյումինի համար, հայտնում է The Hill-ը:
Պողպատի դեպքում գործելու է 25 տոկոս մաքսատուրք, ալյումինի՝ 10 տոկոս: Որոշումն ուժի մեջ է մտնելու 15 օրից:
Որոշումը չի վերաբերելու Կանադային և Մեքսիկային: Այս երկրների հետ Վաշինգտոնն այլ հաշվարկներ ունի: Այլ մոտեցում կարող է ցուցաբերվել նաև Ավստրալիայի հետ առևտրում, ինչի մասին Թրամփը խոսել է:
ԱՄՆ նախագահին է պատկանում նաև իրավունքը ցանկացած պահի բարձրացնել կամ իջեցնել մաքսատուրքի չափը, կամ այն չեղարկել որևէ երկրի մասով:
Այս որոշումը, Թրամփի խոսքերով, բխում եմ Միացյալ Նահանգների ազգային շահերից:
Հարկ է նշել, որ այս որոշումը խիստ քննադատության է առաջացել ԵՄ-ի կողմից՝ դեռ մինչև պաշտոնապես այդ հրամանագիր ստորագրելը: Որոշումը ոչ միանշանակ է ընդունվել նաև Սպիտակ տանը:
ԵՄ-ն արդեն հասցրել է արձագանքել Թրամփի կողմից մաքսատուրքերի մասին հրամանագրի ստորագրմանը՝ նշելով, որ այն չպետք է տարածվի Եվրամիության վրա: