ԱՄՆ նախագահ Դոնալդ Թրամփը հայտարարել է Պետքարտուղարության պաշտոնական ներկայացուցիչ Հիզեր Նոյերտին ԱՄՆ պետքարտուղարի տեղակալի պաշտոնակատար նշանակելու մասին: Այս մասին հայտնում է Սպիտակ տունը:
Ավելի վաղ Սպիտակ տունը հայտնել էր, որ պետքարտուղար Ռեքս Թիլերսոնի հետ պաշտոնանկ է արվել նաև վերջինիս տեղակալ Սթիվ Գոլդսթինը:
Associated Press-ը հայտնում է, որ Գոլդսթինի պաշտոնանկության մասին որոշումը կայացվել է այն բանից հետո, երբ վերջինս Սպիտակ տան պաշտոնական դիրքորոշմանը հակասող հայտարարություն է արել Թիլերսոնին պաշտոնից հեռացնելու մասով: