Քաղաքականություն 

Սամվել Ալեքսանյանի նոր հնարամտությունը. «ՀԺ»

analitik.am

«Հայկական ժամանակ» թերթը գրում է. «Գործարար Սերգեյ Մանուկյանին՝ Շինանյութի Սերգեյին պատկանող «Գուդվին» բուքմեյքերական ընկերության «Էլ լոտո» խաղային սարքավորումները երկրորդ անգամ վերադարձան ԱԺ պատգամավոր Սամվել Ալեքսանյանին պատկանող «Երևան Սիթի» սուպերմարկետների ցանցի տարածք:

Նախկինում մամուլում գրվել էր, որ Երևանի Մաշտոցի պողոտայի Փակ շուկայի տարածքում տեղադրվել են «Էլ լոտո» անունը կրող խաղային ապարատները: Դրանից հետո «Երևան սիթիի» տարծքում տեղադրված բանկոմատների մոտից խաղային սարքավորումները հանվեցին: Մոտ մեկ ամիս անց այդ սարքավորումները դրվեցին նույն սուպերմարկետի կայանտեղի տանող էսկալատորների սկզբնամասում:

Տեղափոխման մասին «Հայկական ժամանակ»-ի հրապարակումից հետո խաղային ապարատները կրկին հանվեցին: Ու փաստորեն, 6 ամիս անց խաղային ապարատները կրկին վերադարձան «Երևան սիթի»:

Այս անգամ արդեն հասել են ավտոկայանատեղիի մուտքի մոտ և տարածքը հաստ ստվարաթղթով մեկուսացվել է այնպես, որ խաղացող քաղաքացու մարմինը խաղալու ժամանակ տեսանելի չլինի անցորդներին:

Մի խոսքով՝ շուրջ մեկ տարվա պայքարից հետո «Գուդվին» ընկերությունը «Երևան սիթիի» հետ միասին մի լուծում են գտել, որպեսզի այնուամենայնիվ խաղային ապարատները տեղակայվեն հանրամատչելի վայրում»:

Մանրամասն՝ թերթի այսօրվա համարում

Նույն շարքից