Ֆրանսիայում ձերբակալվել է երկրի նախկին նախագահ Նիկոլյա Սարկոզին: Այս մասին հայտնում է Le Monde-ը:
Պարբերականի տեղեկություններով, քաղաքական գործիչը ձերբակալվել է Նանտերի ոստիկանության կողմից: Ոստիկանական բաժին Սարկոզին հրավիրվել էր 2007 թվականին նախընտրական արշավի ֆինանսավորման գործով վկայություն տալու համար:
Ավելի վաղ նախկին նախագահը հերքել էր բոլոր մեղադրանքները:
Հարկ է նշել, որ Սարկոզիի անվան հետ մի քանի սկանդալ է կապված: Մասնավորապես 2017 թվականին վերջինիս մեղադրեցին Կատարից հսկայական գումար ստանալու մեջ, ինչի դիմաց նախկին նախագահը, ըստ մեղադրանքի, օգնել է, որ Կատարն իրավունք ստանա իր մոտ անցկացնել ֆուտբոլի աշխարհի առաջնությունը:
Նույն 2017-ին Սարկոզիին մեղադրեցին 2012 թվականին կայացած ընտրություների ժամանակ անօրինական ճանապարհով իր նախընտրական արշավը ֆինանսավորելու մեջ:
