ԱՄՆ Մերիլենդ նահանգի Great Mills ավագ դպրոցում հրաձգություն է տեղի ունեցել: Այս մասին հայտնում է Fox News-ը՝ հավելելով, որ դեպքի վայրում աշխատում են մեծ թվով ոստիկաններ:
Իրավապահներն աշակերտների ծնողներին խնդրել են չմոտենալ դպրոցին, քանի որ երեխաներին տեղափոխում են այլ շինություն:
NBC Washington-ն իր հերթին հայտնում է մեծ թվով տուժածների մասին, սակայն այդ մասով դեռ պաշտոնական ինֆորմացիա չկա:
ABC7-ի լրագրող Բրեդ Բելլը հայտնում է 3 տուժածի մասին, որոնցից մեկը հենց հրաձիգն է: