Ինչպես հայտնում է Reuters-ը՝ հղում անելով Սպիտակ տան հայտարարությանը, ալյումինի և պողպատի ներկրման համար մաքսատուրքերի մասին օրենքն արդեն մի քանի ժամ է, ինչ ուժի մեջ է մտել: Առանձին երկրների մասով որոշումները կկայացվեն ավելի ուշ՝ մայիսի 1-ին:
Մինչև մայիսի 1-ը մաքսատուրքերը չեն գործելու Ավստրալիայի, Արգենտինայի, Բրազիլիայի, Կանադայի, Մեքսիկայի, Կորեայի Հանրապետության և ԵՄ-ի համար: Մյուս երկրները, որոնց վերաբերում են այս մաքսատուրքերը, կարող են քննարկումներ սկսել ԱՄՆ-ի հետ ցուցակից դուրս գալու համար:
Այսպիսով՝ այսօրվանից ուժի մեջ մտած որոշումը վերաբերում է ԱՄՆ ներմուծվող պողպատի խմբաքանակի միայն կեսին:
Հիշեցնենք, որ ալյումինի և պողպատի համար մաքսատուրքեր հաստատելու մասին ԱՄՆ նախագահ Դոնալդ Թրամփը հայտարարել էր մարտի 8-ին՝ ալյումինի ներկրման համար սահմանելով 25 տոկոս մաքսատուրք, պողպատի համար՝ 10:
