«Յուվենթուսի» և Իտալիայի ազգային հավաքականի ավագ Ջանլուիջի Բուֆֆոնը խոսել է Լեոնել Մեսսիի և Կրիշտիանո Ռոնալդուի մասին՝ համեմատելով վերջին տարվա լավագույն ֆուտբոլիստներին:
«Նրանք սկզբունքորեն տարբերվում են միմյանցից: Մեսսին ավելի բազմաֆունկցիոնալ ֆուտբոլիստ է, կարողանում է գործել դաշտի ցանկացած կետում, տեխնիկապես ավելի ուժեղ է, հիանալի է տեսնում դաշտը: Նա ոչ միայն կարողանում է եզրափակել գրոհները, այլ նաև սկսում է դրանք:
Ինչ վերաբերում է Ռոնալդուին, ապա նա մարդասպան է տուգանային հրապարակում: Նա ունակ է ցանկացած գրոհ եզրափակել դարպասը գրավելով»,-ասել է իտալացին
