Լոնդոնի «Արսենալի» և Հայաստանի ազգային հավաքականի կիսապաշտպան Հենրիխ Մխիթարյանը թիմին կարող է միանալ մրցաշրջանի վերջում: Այս մասին հայտարարել է լոնդոնյան գրանդի գլխավոր մարզիչ Արսեն Վենգերը:
Ֆրանսիացի մասնագետն Անգլիայի առաջնության շրջանակներում «Սաութհեմփթոնի» դեմ հանդիպումից հետո նշել է, որ Մխիթարյանը ծնկի կապանների վնասվածք ունի և ակումբին չի կարող օգնել առաջիկա երկու հանդիպումների ընթացքում:
Հիշեցնենք, որ Հայաստանի ազգային հավաքականի առաջատարը վնասվածք ստացավ ԵԼ շրջանակներում ԲԿՄԱ-ի դեմ խաղի 59-րդ րոպեին: