Թուրքիայի վարչապետի տեղակալ Բեկիր Բոզդակը հայտարարել է, որ Թուրքիան չի աջակցում Սիրիայի հարցով հետաքրքրված պետություններից ոչ մեկի դիրքորոշմանը: Տարածաշրջանի հետ կապված Թուրքիայի քաղաքականությունը տարբերվում է Իրանի, ՌԴ-ի և ԱՄՆ-ի վարած քաղաքականությունից: Այս մասին տեղեկանում ենք Hurriyet daily news.-ից:
«Սիրիայի հետ կապված Թուրքիայի քաղաքականությունը չի նշանակում միանալ կամ հակադրվել այս կամ այն երկրի դիրքորոշմանը: Թուրքիայի քաղաքականությունը ոչ մի կերպ չի փոխվել: Մենք տարաձայնություններ ունենք ԱՄՆ-ի հետ՝ կապված քուրդ զինյալների հետ: Մենք նաև դեմ ենք ՌԴ-ի և Իրանի՝ Ասադին անվերապահորեն պաշտպանելու քաղաքականությանը»,- հայտարարել է նա:
