ՀՀ Պաշտպանության նախարարի մամուլի խոսնակ Արծրուն Հովհաննիսյանն իր ֆեյսբուքյան էջում գրառում է կատարել՝ խնդրելով ապատեղեկատվություն չտարածել՝ կապված օրվա ընթացքում Արշակունյաց պողոտայում նկատված զինվորական շարասյան հետ:
Հովհաննիսյանը տեղեկացնում է, որ շարասյունը պլանային միջոցառումներից վերադարձող խաղաղապահ բրիգադինն է:
«Զինվորական շարասյունը պատկանում է խաղաղապահ բրիգադին, որը վերադառնում է պլանային միջոցառումներից և Արշակունյացով վեր է բարձրանում ձախ գծով, որից հետո թեքվում է ձախ՝ դեպի զորամասի մշտական տեղակայման վայր»,- ֆեյսբուքյան իր էջում գրել է ՊՆ նախարարի մամուլի խոսնակը:
