Քիչ առաջ Հալաբյան փողոցում բախում տեղի ունեցավ ցուցարարների և ոստիկանների միջև: Իրավիճակը Հալաբյան-Առուստամյան խաչմերուկում շարունակում է լարված մնալ: Ոստիկանները փորձում են ցուցարարներին հեռացնել ճանապարհի երթևեկելի հատվածից, ցուցարարները դիմադրում են:
Այս պահին ոստիկաններին կարծես թե հաջողվել է ցուցարարների հեռացնել երթևեկելի հատվածից:
Այստեղ է նաև ԱԺ ԵԼՔ խմբակցության պատգամավոր Գևորգ Գորգիսյանը, ով հրաժարվում է պատասխանել հարցերին:
Հիշեցնենք, որ վաղ առավոտից ցուցարարները վերսկսել են Երևանի փողոցները փակելու գործողությունները: Արդյունքում արդեն բերման ենթարկվածներ կան:
