ԱԺ ԵԼՔ խմբակցության պատգամավոր Մանե Թանդիլյանը ֆեյսբուքյան իր էջում գրում է.
Սերժ Սարգսյանը իր վարչապետական ելույթում 10 տարիների տնտեսական ձեռքբերումների մասին խոսեց ընդամենը երկու թվով, որից մեկը վերաբերվում է ֆիզիկական անձանց կողմից 2018թ հունվարի 1-ի դրությամբ, Հայաստանի բանկերում այդ ավանդների ծավալին, որը իր ասելով կազմում է 1 տրիլիոն 553 միլիարդ դրամ:
Կենտրոնական բանկի կողմից հրապարակվող հաշվետվություններում տեսնում ենք, որ նշված օրվա դրությամբ ֆիզիկական անձանց ավանդների ծավալը կազմել է 1 տրիլիոն 91 միլիարդ դրամ, որը հայտարարվածից պակաս է մոտ կես տրիլիոն դրամով կամ 30%-ով:
Նույնիսկ եթե այս թվերին ավելացնենք ցպահանջ հաշիվներին առկա գումարները, որը չի կարելի համարել ավանդային խնայողություն, միևնույն է այդպես էլ չի ստացվում 1,5 տրիլիոն դրամը:
Փաստենք նաև, ավանդների 66 տոկոսը արտարժույթային են, այսինքն դրամի վերջին տասը տարվա արժեզրկման արդյունքում այդ ավանդների ծավալը դրամով արտահայտված ավելացել է 59 տոկոսով:
Տպավորություն է, որ տնտեսական ցուցանիշները նույնպես տրամադրվում են համատարած կաշառքի և վարչական լծակների ազդեցության ներքո...
Ի դեպ, ավանդների աճի մասին՝ խնայողությունների աճը ամենևին էլ դրական երևույթ չէ, որով կարելի է հպարտանալ: Ֆիզիկական անձանց կողմից սպառմանը գերազանցող խնայողությունների աճը հիմնականում ԲԱՑԱՍԱԿԱՆ ՍՊԱՍՈՒՄՆԵՐԻ հետևանք է: Այսինքն, մարդիկ ոչ թե հարստացել են, այլ ուղղակի իրենց վաստակած լավագույն դեպքում նույն եկամուտի ավելի քիչ մասն են ծախսում, ինչը արտացոլվում է նաև սպառման ծավալների նվազման և ՀՆԱ-ի նույն մակարդակով: Մարդիկ ունեն ակնհայտ բացասական սպասումներ, քանի որ մտածում են, որ ապագայում ավելի վատ են ապրելու, ավելի քիչ են վաստակելու, քան հիմա և արդյունքում «սև օրվա փող» են պահում ավանդների տեսքով:
Դրական սպասումների և վստահության միջավայրի առկայության պարագայում, մարդիկ կկատարեին անձնական ներդրումներ և սպառման ավելացում, ինչը կբերեր նաև տնտեսության մի շարք ոլորտների աճի, հետևաբար նաև ՀՆԱ-ի ավելացման, իսկ Սերժ Սարգսյանի վարչապետությունը ավելի է խորացնում բացասական սպասումները և մակրոտնտեսական կարևորագույն ցուցանիշների վատթարացումը:
PS. Չկատարված անթիվ-անհամար խոստումների ֆոնին գոնե կարելի էր վարչապետական ելույթով է՛լ ավելի չվատթարացնել վիճակը, դուք հո չուզո՞ղ չեք...
