Ինչպես արդեն տեղեկացրել էինք 2018թ.-ի ապրիլի 7 -ին Գերմանիայի Հալլե քաղաքում կայացած WKF վարկածով միջազգային խոշոր մրցաշարին մասնակցեց մեր հայրենակից, Աշխարհի Եվրոպայի չեմպիոն Կամո Ունանյանը, ով գրավեց պատվավոր առաջին հորիզոնականը՝ անցկացնելով թվով 7 մենամարտ և բացարձակ հաղթանակ տանելով բոլոր մենամարտերում: Սակայն այս մրցաշարը Կամո Ունանյանին հաղթանակից բացի տվեց կողոսկրի լուրջ վնասվածք, որի պատճառով, ըստ բժշկի եզրակացության, ցավոք չի հասցնի վերականգնվել և պատրաստվել աշխարհի WSF վարկածով գալիք առաջնությանը, որը տեղի կունենա Թուրքիայում ապրիլի 20-23-ը:
Այսուհանդերձ, Ունանյանը հիմա գտնվում է Թուրքիայում, չնայած նրան, որ բժիշկները բացառել էին նրա մասնակցությունն այս առաջնությանը, սակայն, մեր մարզիկը մեկնեց, իր իսկ խոսքով, մահվան գնով էլ ձեռք է բերելու հաղթանակ, քանզի առջևում ցեղասպանության 103-րդ տարելիցն է. «Ես Թուրքիայում պետք է ունենամ հաղթանակ»,- Analitik.am-ի թղթակցի հետ զրույցում ասաց Կամո Ունանյանը:
