«Իմ հանրային ծառայության այսքան երկար տարիներին ես միշտ փորձել եմ իմ ընտանիքը դուրս պահել իմ հանրային պարտականություններից»,-այսօր՝ ապրիլի 23-ին, լրագրողների հետ հանդիպման ժամանակ հայտարարեց ՀՀ պաշտպանության նախարար Վիգեն Սարգսյանը՝ պատասխանելով հարցին, թե ինչպես կվերաբերվեր, եթե իր զավակն այս օրերին գնար Հանրապետության հրապարակ և մասնակցեր հանրահավաքներին
Նախարարի խոսքերով, ցանկացած ընտանիքի համար առանց այդ էլ շատ մեծ բեռ է, երբ ընտանիքի անդամը հանրային ներգրավվածություն ունի, որովհետև դա բազմաթիվ սահմանափակումներ է դնում. «Դրա համար ես ճիշտն ասած չէի ցանկանա հանրային եթերում մեկնաբանել, թե ինչ խորհուրդ կտայի իմ զավակներին, եթե նման ցանկություն լիներ: Բայց քանի որ ուղիղ հարց եք տալիս, ես ուղիղ կպատասխանեմ՝ կարգելեի, քանի որ նրանք անչափահաս են և իրենց ֆիզիկական անվտանգության համար պատասխանատուն ես եմ»: